Strukturat e AKI-së në Komunën e Bërvenicës kanë nisur mobilizimin për zgjedhjet e parakohshme lokale.
Nga AKI thonë se ky vendim shënon fillimin e një organizimi të fuqishëm me synim fitoren në zgjedhjet e ardhshme.
Arkin Jahiji do të jetë kandidati i AKI-së për kryetar të Komunës së Bërvenicës, ndërsa Shaini do të udhëheqë shtabin që do të koordinojë aktivitetet zgjedhore në terren.
“Bërvenica ka nevojë për ndryshim, për punë dhe për një drejtim të ri. Tani është koha të bashkohemi dhe ta ndërtojmë së bashku Bërvenicën që meritojmë”, thuhet në njoftimin e AKI-së.
Nga partia theksojnë se në këtë garë hyjnë me përkushtim, besim, energji dhe vendosmëri, duke synuar mobilizimin e plotë të strukturave në komunë.
