Ministri i Ekonomisë, Besar Durmishi, ka kritikuar BDI-në për qëndrimet lidhur me parimin e Badinterit, duke theksuar se ky mekanizëm kushtetues shërben për mbrojtjen e shqiptarëve nga mbivotimi dhe diskriminimi, e jo për interesa partiake.
“Badinteri nuk është licencë për veto politike dhe aq më pak pronë ekskluzive e BDI-së”, ka deklaruar Durmishi.
Ai theksoi se asnjë parti nuk ka monopolin mbi përfaqësimin e shqiptarëve dhe se mbrojtja e të drejtave kombëtare nuk duhet të ngatërrohet me interesat politike të një partie.
