Kryeministri Hristijan Mickoski ka komentuar dyshimet për një aferë të mundshme spiunazhi në Kabinetin e Presidentes Gordana Siljanovska-Davkova, duke i quajtur ato “fundërrina spiunazhi nga e kaluara” që, sipas tij, po krijojnë panik në opinion, përcjell TV21. Ai kritikoi edhe Prokurorinë, duke përmendur prokurorin Islam Abazi, se po përpiqet të krijojë panik në opinion. Më tej, Mickoski tha se nuk dëshiron të komentojë më tej këto zhvillime, të cilat sipas tij nuk duhet të dramatizohen.
