Shkup, 31 korrik – Nga 30 korriku, në vend janë konfirmuar gjithsej 13 raste me ethet e Nilit Perëndimor. Nga këtyre, 10 pacientë janë hospitalizuar në Klinikën Universitare për Sëmundje Infektive dhe gjendje febrile, ndërsa tre të tjerë ndodhen në gjendje kritike, kumtoi sot Ministria e Shëndetësisë.
Për shkak të situatës aktuale epidemiologjike dhe bazuar në vlerësimin e rrezikut nga ekspertët, Ministria e Shëndetësisë i detyruar Qendrën për Shëndet Publik-Shkup të kryejë dezinsektim shtesë tokësor, gjegjësisht dezinsektim adulticid kundër mushkonjave.
Trajtimi emergjent u krye gjatë natës si një masë shtesë parandaluese për të zvogëluar rrezikun e përhapjes së infeksionit.
Nga Ministria e Shëndetësisë informojnë se së bashku me Institutin e Shëndetit Publik, qendrat e shëndetit publik dhe institucionet shëndetësore mbeten në koordinim të vazhdueshëm dhe do ta informojnë menjëherë publikun për të gjitha gjetjet dhe aktivitetet e reja të ndërmarra.
