Kompania EMV ka bërë të ditur se nga nesër, më 13 tetor 2026, do të nisë sezoni i ngrohjes 2026/2027 për konsumatorët e lidhur me sistemin e ngrohjes qendrore në Shkup. Nga kompania thonë se sezoni i ngrohjes zyrtarisht fillon më 15 tetor, por sipas rregullores, furnizimi me ngrohje mund të nisë edhe më herët, gjatë periudhës nga 1 deri më 15 tetor. Kjo mundësi vlen në rastet kur parashikimi për temperaturën mesatare të jashtme për ditën e ardhshme është 12 gradë Celsius ose më e ulët.
