Avdyl Krasniqi, vëllai i Jakup Krasniqit ka thënë se katërshja e UÇK-së është dënuar vetëm për fjalë.
Ai e ka quajtur të pakuptimtë dënimin e Speciales.
Ka thënë se ky vendim është tërësisht i paarsyeshëm.
“Dikush tjetër po vendos në emër të popullit të Kosovës. Shpresojmë një shkallë tjetër e shqyrton më arsyeshëm”, ka thënë ai.
Dhomat e Specializuara në Hagë kanë shpallur vendimin ndaj Jakup Krasniqit, duke e dënuar ish-drejtuesin e Ushtrisë Çlirimtare të Kosovës me 25 vite burgim.
Trupi gjykues e gjeti Krasniqin fajtor për një pjesë të akuzave që lidheshin me krime të kryera ndaj disa personave gjatë periudhës së luftës në Kosovë.
Mes veprave për të cilat u shpall fajtor përfshihet edhe vrasja e paligjshme, e cilësuar nga gjykata si krim lufte.
