19.8 C
Skopje
Saturday, April 13, 2024

Ahmeti – Larsson Jain: Anëtarësimi në BE, i domosdoshëm

Kryetari i Bashkimit Demokratik për Integrim,  Ali Ahmeti ka takuar sot ambasadoren e Suedisë, Ami Larsson Jain.

Bashkëbiseduesit këmbyen mendime për stabilitetin, sigurinë, perspektivën europiane në vend e rajon, skriningun, ndryshimet kushtetuese dhe zgjedhjet e vitit të ardhshëm.

Ahmeti ka shprehur mirënjohje për raportet mes dy vendeve të cilat karakterizohen me dialog politik dhe ekonomik në vitet e fundit si dhe bashkëpunim shumë miqësor.

Më tej Ahmeti e ka informuar ambasadoren suedeze mbi zhvillimin e skriningut që tashmë është në përfundim e sipër si dhe procesin e ndryshimeve kushtetuese që e kanë cilësuar si opcion i vetëm që vendi të ecë përpara.

Stabiliteti, siguria dhe perspektiva europiane në vend, ishin pjesë e bisedës në këtë takim ku dy bashkëbiseduesit vlerësuan se vetëm rruga e integrimit europian është alternativë e vetme për vendet e Ballkanit Perëndimor, që siguron paqë dhe zhvillim në vend e rajon.

Duke shprehur falënderim për përkrahjen suedeze mbi fuqizimin e kapaciteteve tek institucionet, u diskutua edhe mbi zgjedhjet që pritet të mbahen vitin e ardhshëm si afat i rregullt, për të konfirmuar nga ana e qytetarëve mbështetjen për të ardhmen europiane të vendit.

BDI është e përgaditur për zgjedhje në çdo kohë dhe në çdo formë, ndaras apo bashkë.

Ahmeti ritheksoi vijat e kuqe të BDI-së: Marrëveshja e Ohrit, Marrëveshja e Prespës, Marrëveshja e fqinjësisë së mirë dhe njohja e pavarësisë së Kosovës”” – thuhet në kumtesën e BDI-së.

Lajme të ngjajshme

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

EVN

Lajmet e fundit