Skuadra e Voska Sportit ka ndarë rrugët edhe zyrtarisht me trajnerin Milan Radoviq. Njoftimi zyrtar ka ardhur sot nga ana e vet klubit shqiptar nga Ohri, të cilët përmes një komunikate njoftojnë se kanë ndërprerë bashkëpunimin me teknikun malazez me marrëveshje të dyanshme.
Radoviq te Voska Sporti erdhi në qershorin e vitit të kaluar, ndërsa për shkak të rezultateve jo të mirë, palët ndanë rrugët. Emri që po përflitet në media që pritet ta zëvendësoj Milan Radoviqin te Voska është i Srgjan Zaharievskit, i cili së fundmi ishte i angazhuar te Struga Trim Lum.
Kujtojmë se Voska Sport e nisi me humbje gjysmësezonin pranveror, duke u mundur në Çair nga Shkupi në xhiron e 19-të. /SHENJA/
