Nëntë pjesëtarë të Forcave Detare të Kazakistanit kanë humbur jetën gjatë një stërvitjeje ushtarake në Detin Kaspik, në rajonin Mangystau.
Sipas Ministrisë së Mbrojtjes së Kazakistanit, 19 ushtarakë u morën nga dallgët pasi kushtet atmosferike u përkeqësuan papritur dhe erërat u forcuan gjatë një misioni stërvitor.
Nga incidenti, tre ushtarakë janë shpëtuar, ndërsa njëri prej tyre është dërguar në spital për trajtim. Kërkimet për pjesëtarët e mbetur vazhdojnë përmes një operacioni të gjerë kërkim-shpëtimi, ku janë angazhuar Forcat Detare, Ministria e Situatave të Emergjencave, mjete ajrore dhe njësi të tjera.
Në vendngjarje është dërguar edhe një komision i drejtuar nga ministri i Mbrojtjes, Dauren Kosanov, i cili do të hetojë rrethanat e incidentit dhe do të koordinojë operacionin e shpëtimit.
Ministria e Mbrojtjes ka shprehur ngushëllime për familjet e ushtarakëve të ndjerë dhe ka bërë të ditur se atyre do t’u ofrohet mbështetja e nevojshme.
