Ministria e Shëndetësisë informon se gjendja me epideminë në Gostivar është stabile dhe po monitorohet vazhdimisht nga institucionet kompetente shëndetësore.
Më 31 korrik janë regjistruar gjithsej 60 kontrolle të para. Edhe pse është shënuar rritje ditore, trendi i përgjithshëm mbetet dukshëm më i ulët krahasuar me kulmin e 18 korrikut, kur u evidentuan 649 kontrolle.
Nga 14 deri më 31 korrik janë regjistruar gjithsej 4.543 kontrolle të para. Deri më tani janë pranuar 1.028 paraqitje formale për sëmundje infektive dhe janë përgatitur 730 anketa të reja epidemiologjike, me përfshirje prej 71 për qind.
Sa u përket etheve të Nilit Perëndimor, në Institutin e Shëndetit Publik nuk janë paraqitur raste të reja të konfirmuara laboratorikisht. Në Klinikën për Sëmundje Infektive janë pranuar tre pacientë tek të cilët ekziston dyshimi për këtë sëmundje dhe për të cilët priten rezultatet e analizave laboratorike.
Ministria e Shëndetësisë, në koordinim me Institutin e Shëndetit Publik dhe institucionet shëndetësore, vazhdon me mbikëqyrje të përforcuar epidemiologjike dhe do ta informojë opinionin në kohë për të gjitha informacionet e reja.
