Në tregun e këmbimit valutor në Shqipëri, euroja ka vijuar të dobësohet përballë lekut edhe gjatë ditës së martë, duke shënuar një rënie krahasuar me kursin e një dite më parë.
Sipas kursit zyrtar të Bankës së Shqipërisë, euroja është zhvlerësuar me 0,08 lekë dhe aktualisht këmbehet me 93,28 lekë.
Edhe dollari amerikan ka shënuar një ulje të lehtë, duke humbur 0,01 lekë dhe duke zbritur në nivelin 81,04 lekë.
Në të njëjtën kohë, paundi britanik është ulur me 0,08 lekë, duke u këmbyer me 108,92 lekë, ndërsa franga zvicerane ka pësuar një rënie prej 0,19 lekësh dhe ka arritur vlerën 100,07 lekë.
Lëvizjet e fundit në kursin e këmbimit tregojnë një forcim të lehtë të lekut ndaj valutave kryesore.
