Këngëtarja e hitit “Hello”, Adele, zbuloi së fundmi se ka hequr dorë nga alkooli kur pa disa nga pjesëmarrësit duke pirë uiski gjatë performancës së saj në Las Vegas.
“Unë ndalova së piri…ndoshta tre muaj e gjysmë më parë”, u tha ajo pjesëmarrësve të koncertit në një video që u shpërnda në Twitter.
“Është i mërzitshëm. Dua të them, o Zot është e mërzitshme. Unë kam pirë shumë në të 20-at e mia, por më mungon kaq shumë. Unë e kam ndërprerë edhe kafeinën”.
Adele, 35 vjeçare, më parë kishte trajtuar marrëdhënien e saj me alkoolin në një shfaqje në mars, teksa foli për zakonet e pirjes gjatë pandemisë COVID-19.
“Më kujtohet kur erdha këtu në COVID, në izolim. Ishte ora 11 e mëngjesit, dhe unë isha padyshim, si katër shishe verë – si ne të gjithë”, zbuloi ajo.
“Unë thashë në vitin 2020 se doja të publikoja albumin tim. Dhe ne të gjithë ishim në shtëpi thjesht të dehur”, tha ajo mes tjerash.
Fituesja e “Grammy” ka treguar gjithashtu për “marrëdhënien e saj të ngushtë” me alkoolin në një intervistë të tetorit 2021 me Vogue, duke thënë: “Unë kam qenë gjithmonë shumë e magjepsur nga alkooli”.
Pavarësisht se hoqi dorë nga pijet alkoolike, Adele i tha më tej audiencës të premten se po planifikonte një javë festë.
