Ministri i Jashtëm rus, Sergei Lavrov, deklaroi të martën se konflikti në Ukrainë do të vazhdojë dhe se ekziston mundësia e një përshkallëzimi të mëtejshëm të tij, raportojnë agjencitë ruse të lajmeve.
Duke komentuar bisedën telefonike të zhvilluar të martën mes presidentit rus Vladimir Putin dhe udhëheqësve të Finlandës dhe Norvegjisë, Lavrov tha se gjatë komunikimit nuk ishte propozuar asgjë e re lidhur me konfliktin në Ukrainë.
Kryediplomati rus shtoi se vendet evropiane po përpiqen të sigurojnë një rol në procesin e negociatave, pa paraqitur, sipas tij, propozime të reja për zgjidhjen e konfliktit.
Deklaratat e Lavrov vijnë në një kohë kur përpjekjet diplomatike për t’i dhënë fund luftës në Ukrainë mbeten një çështje kyçe në marrëdhëniet mes Rusisë dhe vendeve evropiane.
