Sot, më 22 shtator, shënohet Dita Ndërkombëtare pa Makina, një ditë që synon të nxisë qytetarët të lënë automjetet dhe të zgjedhin alternativa më të qëndrueshme si ecja, biçikleta dhe transporti publik.
Kjo ditë ka për qëllim të rrisë ndërgjegjësimin për ndikimin e trafikut në ndotjen e ajrit, zhurmën dhe cilësinë e jetës në qytete.
Mesazhi është i thjeshtë: më pak makina në rrugë do të thotë më shumë hapësirë për këmbësorët dhe çiklistët, ajër më të pastër dhe qytete më të qeta.
