Vjeshta në vend dhe në hemisferën veriore do të fillojë sonte në orën 02:05 pas mesnate. Në të njëjtën kohë, pranvera do të fillojë në hemisferën jugore të Tokës.
Dita e parë e vjeshtës është dita e 266-të e vitit dhe do të zgjasë 12 orë e 7 minuta. Dielli në Shkup do të lindë në orën 6 e 22 minuta, ndërsa do të perëndojë në orën 18 e 30 minuta. Deri në fund të vitit kanë mbetur edhe 99 ditë.
Kalimi në një stinë të re shënohet nga ekuinoksi vjeshtor – momenti kur Dielli, shikuar nga Toka, kalon ekuatorin qiellor dhe vazhdon lëvizjen e tij të dukshme drejt hemisferës jugore.
Pas ekuinoksit vjeshtor, hemisfera veriore hyn në një periudhë të shkurtimit gradual të ditëve dhe zgjatjes së netëve. Ky trend vazhdon deri në solsticin e dimrit në dhjetor.
Vjeshta e këtij viti do të zgjasë deri më 21 dhjetor në orën 14:50, kur fillon dimri sipas kalendarit.
Në ditën e parë të vjeshtës, sipas sinoptikantëve, mëngjesi do të jetë i kthjellët dhe i ftohtë, dhe më pas me diell me vranësira lokale të lehta deri në mesatare. Temperatura maksimale do të arrijë 23 gradë.
