“Gjendemi para një momenti historik. Pas më shumë se dy dekadash vonesë, përfaqësimi i drejtë dhe adekuat më në fund po bëhet ligj. Jo më fjalë që i merr era, as premtime sa për t’i kaluar zgjedhjet, por ligj.Përfaqësimi i drejtë dhe adekuat është parim kushtetues që buron nga Marrëveshja e Ohrit, nga pika 4.2 e saj. Prandaj ky nuk është një ligj i zakonshëm, por një hap historik përpara drejt zbatimit dhe avancimit të Marrëveshjes së Ohrit.
Ky ligj është dashur të miratohej para më shumë se dy dekadave. Por nuk u bë. Ata që sot bërtasin, e kishin besimin e shqiptarëve dhe pushtetin për ta bërë këtë ligj. Në çdo zgjedhje premtonin, në çdo mandat arsyetoheshin. I kishin të gjitha, por një gjë nuk e kishin, vullnetin”, theksoi Daut Memishi nga VLEN.
