Lideri i VMRO-DPMNE-së, Hristijan Mickovski ka nënshkruar marrëveshjen për koalicionim për zgjedhjet parlamentare dhe presidenciale, me 24 parti në vend. Mickoski theksoi se VMRO-DPMNE është partia më e madhe në vend, por edhe me më shumë partnerë koalicioni.
Fjalimi i Liderit të VMRO-DPMNE-së, pas nënshkrimit të marrëveshjes:
“Sot nënshkruam Kartën për koalicion strategjik dhe vendosjen e parimeve të punës së ardhshme të Koalicionit të udhëhequr nga VMRO-DPMNE, i quajtur “Maqedonia jote”.
Koalicioni i VMRO-DPMNE “Maqedonia jote” është koalicioni më i madh deri më tani i përbërë nga 24 subjekte dhe organizata politike që qëndrojnë pas valës së ndryshimeve që duhet të sigurojnë një Maqedoni stabile dhe të fortë.
Duke u nisur nga qëllimi i zhvillimit dhe përparimit të përgjithshëm politik dhe shtetëror të atdheut tonë, Republikës së Maqedonisë;
Duke vënë në dukje natyrën shkatërruese të klikës aktuale në pushtet mbi ekonominë, politikën dhe interesat kombëtare të maqedonisë;
Të vetëdijshëm për seriozitetin e sfidave me të cilat ballafaqohet Republika e Maqedonisë në betejën për zhvillim të përgjithshëm politik, ekonomik, social dhe kulturor;
Koalicioni “Maqedonia jote” merr përsipër që gjatë realizimit të programit për zgjedhjet presidenciale dhe parlamentare të vitit 2024 të udhëhiqemi plotësisht dhe pa mëdyshje nga parimet e përgjegjësisë dhe transparencës në veprimin politik.
Të vetëdijshëm për natyrën shkatërruese të politikave të klikës së papërgjegjshme në pushtet, njoftojmë se zhvillimi i ekonomisë, rritja ekonomike, investimet e brendshme dhe të huaja, si kusht për hapjen e vendeve të reja të punës dhe një jetë më të mirë për qytetarët, janë në krye të prioriteteve të partive anëtare të koalicionit “Maqedonia jote”.
Lufta e paekuivoke dhe e vendosur kundër korrupsionit dhe reduktimi i burokracisë së gjerë janë sfida jonë kryesore, sepse ne besojmë fort se drejtësia në shoqëri është një parakusht themelor për zhvillimin e gjithanshëm të vendit. Nga aty, thellësisht i vetëdijshëm për atë që theksova, koalicioni “Maqedonia jote” merr përsipër që me ashpërsi, drejtësi dhe parime të iniciojmë dhe mbështesim veprime të sundimit të ligjit që duhet të kthejnë besimin e lëkundur të qytetarëve në institucionet e pushtetit shtetëror.
Koncepti bazë për zhvillimin e iniciativës private është respektimi i lirisë ekonomike dhe zhvillimi i krijimtarisë së personit.
Duke theksuar efektin shkatërrues të krimit dhe korrupsionit të klikës aktuale në pushtet, ne mbetemi të përkushtuar ndaj modernizimit ekonomik të atdheut. Në këtë drejtim, ne marrim përsipër të gjenerojmë politika të reja në funksion të financimit të ndërtimit të rrugëve ndërkombëtare dhe lokale, korridoreve hekurudhore, termocentraleve, sistemeve të gazsjellësit, linjave të transmetimit, shkollave, spitaleve dhe projekteve të tjera infrastrukturore.
Ne shfaqim një vendosmëri të qartë, të palëkundur dhe të vendosur për të zbatuar reforma që do të sigurojnë rritje ekonomike dhe përparim afatgjatë të Maqedonisë, sepse besojmë fuqishëm se lufta për arritje më të mira ekonomike nënkupton luftë për një jetë më të mirë dhe një standard më të mirë të qytetarëve të Maqedonisë.
Gjithashtu apelojmë për një pjesëmarrje masive në këto zgjedhje sepse mosdalja në këto zgjedhje do të thotë mbështetje ndaj qeverisë së papërgjegjshme dhe kriminale. Kjo është arsyeja pse pjesëmarrja është çelësi. Ndryshimet janë në duart tuaja”.
