Një 40-vjeçar nga Kratova do të përballet me kallëzim penal pasi dyshohet se ka kërcënuar policë dhe punonjës të Qendrës për Punë Sociale, ndërsa më pas ka sulmuar dhe plagosur rëndë një efektiv policie.
Nga MPB-ja njoftuan se SPB Kratovë ka paraqitur kallëzim penal kundër P.J. (40), nën dyshimin për veprat penale “rrezikim i sigurisë” dhe “sulm ndaj personit zyrtar gjatë kryerjes së detyrave të sigurisë”.
Sipas policisë, ngjarja ka ndodhur më 11 shtator 2026, kur i dyshuari, gjatë kryerjes së veprimeve zyrtare nga policët dhe punonjësit e Qendrës për Punë Sociale, u ka drejtuar kërcënime.
Më pas, sipas njoftimit, ai ka përdorur një mjet të mprehtë dhe i ka shkaktuar lëndime të rënda trupore njërit prej policëve.
