Trupat ukrainase i thanë Daily Telegraph se u janë nënshtruar sulmeve të rregullta nga dronët e vegjël që hedhin gaz lotsjellës dhe kimikate të tjera.
Përdorimi i substancave të tilla, i cili njihet si CS, është i ndaluar gjatë kohës së luftës sipas Konventës për Armët Kimike.
Moska u akuzua për përdorimin e armëve kimike në një sulm me dron në portin e Mariupolit në fazat e hershme të pushtimit të saj në shkurt 2022.
Slava, një toger i lartë, njësia e të cilit është e vendosur pranë Lyman, në rajonin e Donetsk, tha se disa njësi ukrainase në zonën e tij po përballeshin me sulme “pothuajse të përditshme” me gaz.
