Pas njoftimit se 14 vjeçarja Vanja Gjorçevska është gjetur e pajetë, ka reaguar VMRO-DPMNE. Nga opozita maqedonase kërkojnë dorëheqjen e ministrit Oliver Spasovski.
“VMRO-DPMNE nuk ka ndërhyrë dhe është përmbajtur nga çdo deklaratë në rastin e vajzës së zhdukur Vanja për të lënë hapësirë për një hetim të papenguar në rastin e rrëmbimit.
Fatkeqësisht, ky rast ka një fund tragjik. I shprehim ngushëllimet më të thella familjes dhe të gjithë të afërmve dhe miqve të të ndjerës.
Por ajo që duhet theksuar është paaftësia flagrante e ministrit Spasovski, i cili ishte i zënë me organizimin e samitit në vend që të reagonte në kohën e duhur. Ai është turp për policinë dhe nuk është në gjendje të mbrojë qytetarët. Pse hesht policia për rastin e qytetarit të zhdukur të Velesit? Si lejoi policia e Spasovskit një grup kriminal të bredh në mes të Shkupit dhe të rrëmbejë dhe vrasë qytetarë të pafajshëm? Nuk ka asnjë skandal që nuk ka ndodhur gjatë mandatit të tij. U shpërndanë pasaporta kriminelëve të nëntokës ballkanike dhe evropiane, u bënë prokurime të diskutueshme të softuerit dhe tenderë miliona dollarësh, skandale me përgjime dhe monitorim të paligjshëm të komunikimeve dhe keqpërdorim të shërbimeve të monitorimit, kriminelëve të pandëshkuar që ndoqën policët nga stacioni policor në Haraçinovë. Ministria e Brendshme e Spasovskit i ka dhënë gjysmë milioni euro kompanisë së transportit që ka blerë 2 lavatriçe për 25.500 euro në një komunë kryetari i së cilës ishte nga partia e tij dhe një sërë skandalesh të tjera.
Spasovski jep menjëherë dorëheqjen”, thuhet në reagimin e VMRO-DPMNE-së.
