Kryeministri i Shqipërisë, Edi Rama, ka bërë të ditur se Shqipëria është parashikuar të jetë vendi pritës i samitit të ardhshëm të NATO-s, i cili, nëse organizohet në vitin 2028, do të mbahet në Tiranë.
Këtë deklaratë Rama e bëri nga Dublini, ku ndodhet për të marrë pjesë në Samitin e nëntë të Komunitetit Politik Evropian.
Kreu i qeverisë shqiptare sqaroi se ende nuk ka një dakordësi mes vendeve anëtare të NATO-s për datën e mbajtjes së samitit të ardhshëm, duke përjashtuar mundësinë që ai të organizohet në vitin 2027.
“Shqipëria është parashikuar si vendi i ardhshëm pritës i Samitit të NATO-s. Çështja është se ende nuk ka një qëndrim të përbashkët për datën se kur do të zhvillohet samiti”, u shpreh kryeministri.
