Zllatko Perinski nga vizita e sotme në Komunën e Negotinës, në kuadër të iniciativës “Ku zemra është në shtëpi”, ku së bashku me kryetarin e Qeverisë, Hristijan Mickoski, shënuan fillimin e realizimit të dy projekteve nga thirrja e parë publike për mbështetje financiare të projekteve komunale infrastrukturore me mjete nga buxheti shtetëror.
“Sot jemi për vizitë në Komunën e Negotinës si pjesë e iniciativës ‘Ku zemra është në shtëpi’, me të cilën konfirmojmë përkushtimin tonë për bashkëpunim dhe mbështetje të të gjitha komuniteteve lokale dhe zhvillimin e tyre, në interes të qytetarëve. Më sjell kënaqësi të madhe që projektet që po realizojmë nga thirrja e parë publike tashmë po shohin dritën e ditës. Sot kanë filluar aktivitetet ndërtimore për dy nga tre projektet me të cilat Komuna e Negotinës aplikoi në thirrjen e parë publike. Do të doja të falënderoja kryetarin e komunës për proaktivitetin e tij dhe shpresoj që me të njëjtin ritëm të vazhdojë të aplikojë për projekte që janë në interes të qytetarëve edhe në thirrjen e dytë publike që është në proces. Kjo është një dëshmi se për këtë Qeveri të udhëhequr nga kryeministri Mickoski, nuk ka vende të harruara. Zhvillimi i barabartë për ne është imperativ, sepse me të garantojmë stabilitetin ekonomik dhe social të vendit dhe sigurisht me këtë rrisim cilësinë e jetës për të gjithë qytetarët.”
