“Lidershipi aktual i BDI-së ka qenë sinonim i krimit dhe korrupsionit tash e sa vite dhe lidershipi aktual i BDI-së nuk duhet të ketë pozicion në asnjë Qeveri të ardhshme që do të formohet. Prandaj, është mirë edhe në interes të BDI-së si parti, sepse ajo parti nuk është 5, 10, 15 vetë që e menaxhojnë, por ka një strukturë të tërë, një pjesë e madhe e tyre ndoshta janë njerëz të ndershëm dhe të përgjegjshëm, të cilët e duan këtë vend, duan që ky vend të ketë sukses dhe për ata anëtarë të ndershëm të BDI-së, është mirë që partia e tyre të shkojë në opozitë”, thotë nënkryetari i VMRO-DPMNE-së, Timço Mutsunski në paraqitjen e sotme i ftuar në Alsat M.
Mucunski shtoi se VMRO-DPMNE thotë se vendi i BDI-së është në opozitë, që më pas do të ketë mundësi të reformohet dhe ndoshta një ditë të jetë sërish pjesë e qeverisë.
“Ne nuk merremi me BDI-në, por merremi me tema që kanë të bëjnë me korrupsionit, e cila në të gjitha sondazhet e opinionit publik, sidomos tek ata mbi 70% të qytetarëve që thonë se janë absolutisht të zhgënjyer me mënyrën se si po ecën shteti. Shumica dërrmuese thonë se problemi më i madh në Maqedoni, përveç gjendjes ekonomike, është gjendja me krimin dhe korrupsionin. Dhe kur BDI është burimi absolut i atij krimi dhe atij korrupsioni, është normale të thuhet se ajo parti dhe ata njerëz në këtë moment nuk kanë vend në një qeveri të ardhshme që do të duhet, ndër të tjera, të fillojë reformimin pikërisht me zgjidhjen e sfidës në shtet në këtë moment”, tha Mutsunski.
Ai u shoreh thellësisht i bindur se pas zgjedhjeve nuk do të ketë koalicion me BDI-në, sepse atë që e sheh si në terren ashtu edhe në sondazhet e opinionit publik, është i bindur se VMRO-DPMNE, së bashku me subjektet që përbëjnë opozitën shqiptare, do të kenë mundësinë të formojmë qeverinë e ardhshme dhe pikërisht në natën e zgjedhjeve do të kenë më shumë se 61 deputetë.
Sipas Mucunskit, qëndrimi i VMRO-DPMNE-së në natën e zgjedhjeve parlamentare do të jetë mjaft komod dhe praktikisht do të jenë në një situatë që të mund të kenë zgjedhje të bazuar në parime dhe një furnizim të mirë të personelit që do të jetë pjesë e përbashkët e qeverisë së ardhshme.
Ai shtoi se BDI-ja nuk e ka potencialin që të mund të ofrojë kuadron në këtë cikël zgjedhor. Sipas Mucunskit kjo shihet nga listat për deputetë ku pozita të larta, psh. në njësinë e pestë bartës i lisës është Zijadin Sela dhe në njesinë gjashtë pjesë e listave është Menduh Thaçi, persona që nuk kanë gjë të përbashkët me BDI.
“Në njësinë zgjedhore 1, bartës i BDI-së është person i cili nuk është nga komuna më e madhe nga ku pritet të nxjerrë vota, që do të thotë se BDI është tërhequr nga Çairi, në njësinë zgjedhore 6, frontmeni nga i BDI-së nga Tetova është Menduh Thaçi, një njeri që nuk është nga BDI. Në njësinë pesë, bartës i koalicionit të BDI-së është Ziadin Sela. Pra, BDI për momentin nuk ka një ofertë me kuadro për të tërhequr vota as në Tetovë, as në Çair e as në Strugë. Ajo thotë se është një parti që ka sfida serioze të brendshme dhe votuesit votojnë në bazë të ofertës kadrovike dhe votuesit votojnë në bazë të platformës programore. Nga ajo që shoh unë, në atmosferën që krijohet nga BDI-ja as nuk shihet programë dhe as nuk shihet ofertë e mirë me personel dhe rrjedhimisht është e logjikshme që ne të kërkojmë një partner kompatibil, me të cili do të mund të ketë ofertë solide kadrovike, dhe me të cilin edhe mund të përputhet programa për formimin e Qeverisë së ardhshme dhe kjo është diçka krejtësisht normale dhe plotësisht e pritshme në pjesën e fushatës parazgjedhore”, tha Mutsunski.
Mucunski theksoi se VMRO-DPMNE aktualisht është e fokusuar në hapjen e temave aktuale, ofrimin e zgjidhjeve për temat kryesore dhe ofrimin e ofertës sa më të mirë të personelit.
