Sipas burimeve nga Qeveria, bëhet fjalë për një dokument që është rezultat i negociatave intensive disa mujore midis ekipeve diplomatike dhe ekspertëve nga të dyja palët. Marrëveshja, e cila paralajmërohet si historike, do të hapë perspektiva të reja për bashkëpunim në fusha kyçe si siguria, ekonomia, investimet, arsimi, transformimi dixhital dhe ndryshimet klimatike, shkruan Plusinfo.
Kryeministri Hristijan Mickoski, në Samitin e sotëm në Tiranë, do të takohet me kryeministrin e Mbretërisë së Bashkuar, Keir Starmer, ku pritet finalizimi i marrëveshjes për partneritet strategjik midis dy vendeve.
Sipas burimeve qeveritare, dokumenti është rezultat i negociatave disa mujore të zhvilluara nga ekipet diplomatike dhe ekspertët nga të dyja palët. Marrëveshja që po konsiderohet historike do të hapë mundësi të reja bashkëpunimi në fusha të rëndësishme si siguria, ekonomia, investimet, arsimi, transformimi dixhital dhe çështjet klimatike.
– Kjo është një marrëveshje që e pozicionon Maqedoninë në rrethin më të gjerë të interesave të një prej fuqive kryesore botërore. Bëhet fjalë për një përkushtim konkret dhe afatgjatë për forcimin e lidhjeve bilaterale me Mbretërinë e Bashkuar – thonë burime nga strukturat qeveritare.
Me nënshkrimin e marrëveshjes, Maqedonia do të fitojë qasje në ekspertizë britanike, mbështetje financiare për reforma dhe mundësi për investime britanike në sektorë strategjikë si energjetika, infrastruktura dhe inovacioni. Gjithashtu, bashkëpunimi do të përfshijë edhe dialog politik të përforcuar, si dhe koordinim në kuadër të institucioneve ndërkombëtare dhe sfidave globale të sigurisë.
Takimi në Tiranë ndodh në kuadër të samitit rajonal, ku liderët e Ballkanit Perëndimor kanë mundësi të shkëmbejnë mendime me përfaqësues të Bashkimit Evropian dhe partnerëve strategjikë. Për Maqedoninë, ky është takimi i parë zyrtar bilateral në nivelin më të lartë me kryeministrin e ri britanik, Keir Starmer, i cili së fundmi mori detyrën.
Pritet që detajet e marrëveshjes të bëhen publike gjatë ditës, dhe sipas informacioneve jozyrtare, do të arrihet marrëveshje edhe për krijimin e një komiteti të përbashkët që do të ndjekë zbatimin dhe do të propozojë fusha të reja për bashkëpunim strategjik.
