Lideri i VMRO-DPMNE-së, Hristijan Mickoski e akuzon pushtetin aktual se po e gjeneralizon përgjegjësinë për skandalet që ndodhin në shëndetësi.
Ai ka shtur se fatkeqësisht, shëndetësia në këtë Qeveri është tronditur nga shumë skandale, si skandali me Klinikën e Onkologjisë ku përfitohet nga vdekja e qytetarëve.
Mickoski theksoi se duhet të ketë përgjegjësi për gjendjen katastrofike në shëndetësi, por meqë kjo qeveri po tenton t’i gjeneralizojë gjërat, qeveria e ardhshme e VMRO-DPMNE-së do ta përcaktojë dhe personalizojë qartë përgjegjësinë për këto ngjarje.
“Duhet të ketë përgjegjësi dhe të dihet emri dhe mbiemri i saktë i atij që është përgjegjës. Ne nuk presim që kjo qeveri ta bëjë këtë, por ju premtoj se qeveria e ardhshme e VMRO-DPMNE-së do ta përcaktojë qartë përgjegjësinë dhe do ta personalizojë. Nuk mund të jetë e përgjithshme. Fatkeqësisht, sot kjo qeveri po tenton të përgjithësojë gjërat, por duhet thënë qartë se ai, ai dhe ai me atë emër e mbiemër është fajtor për të gjitha këto”, ka theksuar Mickovski.
