Lideri i VMRO-DPMNE-së Hristijan Mickoski ka prezantuar projektet kyçe të partisë së tij nga programi me të cilin do të garojnë në zgjedhjet parlamentare të 8 majit. Një pjesë nga prezentimi i programit.
– Ndryshimi i parë kyç për të cilin pres mbështetje nga të gjitha partitë politike është një parlament me 90 deputetë.
– Gjëja tjetër që është shumë e rëndësishme është ajo që kërkuan partitë politike, është Maqedonia një njësi zgjedhore dhe pres që të gjitha partitë parlamentare të pajtohen dhe bashkërisht ta bëjmë atë reformë duke ndryshuar kodin zgjedhor në mënyrë që Maqedonia të jetë një njësi zgjedhore, e cila do të mundësojë votim të papenguar të diasporës.
– Një reformë shumë e rëndësishme që është e nevojshme për vetë transformimin e qeverisë është riorganizimi i vetë ministrive dhe institucioneve. Ne po planifikojmë të hapim një ministri të re, e cila është Ministria e Energjisë, Minierave dhe Burimeve Minerale dhe vlerësojmë se ka shumë pak sektor në Ministrinë e Ekonomisë, e cila po e bënte shumë keq punën e saj. Për të rinjtë është shumë e rëndësishme që të planifikohet një ministri për sportin dhe që Agjencia aktuale për Rininë dhe Sportin të tranferohet në Ministrinë e Sportit, ndërsa sektori i rinisë të lidhet me një ministri të re që do të formohet së shpejti e cila praktikisht do të jetë pasardhëse e Ministrisë së Punës dhe Politikës Sociale, e cila do të jetë Ministria e politikës sociale, demografisë dhe rinisë, ndërsa pjesa e punës do të jetë e lidhur me ministrinë e ekonomisë dhe punës. Ajo që është e rëndësishme për turizmin është ta vaçojmë ti jepet rëndësi dhe të bëhet pjesë e Ministrisë së Kulturës. Duhet të kemi edhe transparencë, llogaridhënie më të madhe dhe qytetarët duhet të kenë një pasqyrë të qartë për atë që e presin nga administrata dhe për këtë arsye do të formohet Ministria e Transformimit Dixhital në vend të Ministrisë së Teknologjisë Informative dhe Administratës.
– Ajo që më së shumti u intereson qytetarëve është reduktimi i institucioneve dhe zvogëlimi i personave që kanë role fiktive brenda atyre institucioneve, pra heqja e pozitës së zëvendësdrejtorit.
– Është gjithashtu shumë e rëndësishme që të ketë një reduktim të bordeve drejtuese dhe mbikëqyrëse, por edhe të zvogëlohet numri i pjesëmarrësve në ato borde, gjë që do të reduktojë shpenzimet e kota të parasë publike dhe ne do të mund t’i përdorim ato fonde për diçka që është më mirë për qytetarët.
– Ajo që u intereson më shumë qytetarët është balancuesi. Kjo është një kërkesë edhe për këdo që dëshiron të jetë në koalicion. Ne vlerësojmë se është e padrejtë, favorizuese, diskriminuese.
– E rëndësishme është gjithashtu se sa jemi dhe çfarë kemi në dispozicion, dhe për të pasur një pasqyrë të qartë dhe të saktë numrit të popullsisë rezidente, me çfarë arsimimi është popullsia rezidente, andaj duhet të bëjmë një regjistrim të vërtetë dixhital të popullsisë dhe familjeve.
– Është shumë e rëndësishme që gjykatat dhe prokuroria të rikthejnë besimin, sepse tani është pothuajse inekzistente dhe është baraz me zero, dhe qëllimi dhe detyra jonë është ta rikthejmë këtë sistem prej fillimi dhe ta nisim këtë nga problemi real, që është këshilli gjyqësor dhe këshilli i prokurorëve publikë, shpërbërja pa kushte e këtyre dy strukturave dhe vendosja e mëtejshme e të njëjtës bazuar në kritere reale, kritere që do të nënkuptojnë mbrojtjen e drejtësisë.
– Një nga mjetet që do të aplikohet është të kontrollohet statusi i pasurisë i të gjithë prokurorëve dhe gjyqtarëve dhe të shihet se si kanë arritur të fitojnë prona me pagat dhe mëditjet e tyre, për disa prej të cilave kemi të dhëna se ata ose familjarët e tyre të afërta i kanë.
Nuk do të tolerohet keqpërdorimi i automjeteve zyrtare për qëllime private, dhe për t’u njohur qartë nga qytetarët do të vendosim targa të posaçme regjistrimi për automjetet zyrtare.
Përputhja (krahasimi) i bazave të të dhënave për kontrollin e pasurisë dhe parandalimin e korrupsionit, me të cilat do të kontrollojmë gjendjen pasurore për të gjithë qytetarët dhe unë dhe familja ime aplikojmë për të qenë i pari mes tyre.
5000 denarë më shumë pension për të gjithë pensionistët brenda një viti nga formimi i qeverisë së re.
Punësimi i personave me aftësi të kufizuara në institucionet publike, kujdesi për asistentët në arsimin e mesëm dhe aktivitetet sportive falas do të vazhdojnë për fëmijët me aftësi të kufizuara.
Gruaja është në qendër të vëmendjes sonë dhe për këtë arsye i kushtojmë vëmendje të veçantë krijimit të dhjetë qendrave për mbështetjen dhe përkujdesjen e grave viktima të dhunës.
Mbështetje financiare për nënat që kanë qenë të punësuara për të paktën një vit, për fëmijën e parë të lindur do të marrin kthim të tatimit mbi të ardhurat personale për një vit, për fëmijën e dytë do të kenë kthimin tatimor dyvjeçar dhe për fëmijën e tretë kthimi tatimor do të jetë çdo vit, derisa fëmija më i madh të mbushë madhore.
Ne do të kthejmë masën Sigurimi i një shtëpie për të rinjtë (Blini shtëpi për të rinjtë), me qëllim që të ndihmojmë çiftet e reja të martuara dhe në këtë mënyrë të përmirësojmë situatën demografike.
Çdo fëmijë në çerdhe, që të mos ketë më listë pritjeje dhe të ketë vend në kopsht në çdo komunë. Kjo është një masë tjetër në drejtim të rritjes së numrit të familjeve.
6 fertilizime IN VITRO falas, pavarësisht statusit ekonomik, social të nënës potenciale, diçka që deri më tani nuk ishte e mundur.
Mickoski paralajmëroi ndërtimin e teleferikut nga Shkupi në Vodnon e Mesme. “Diçka për të cilën mendoj se shkupjanëve do u interesojë, diçka që jo vetëm shkupjanët, por edhe të gjithë qytetarët e Maqedonisë që vijnë në Shkup dhe turistët do të mund të arrijnë më lehtë në majën e malit Vodno, një projekt vërtet i mrekullueshëm që fatkeqësisht ishte pjesë e një program tjetër i cili fatkeqësisht për arsye të njohura nuk është realizuar, por Qeveria e ardhshme e VMRO-DPMNE-së do ta realizojë këtë projekt, i cili do të jetë shumë domethënës për Shkupin dhe Maqedoninë, por edhe për përmirësimin e kushteve dhe ofertës turistike të kryeqytetit”, tha Mickoski.
Kryetari I VMRO-DPMNE-së Mickoski paralajmëroi 50 milionë euro në mbështetje të drejtpërdrejtë të kulturës.
“1 denar nga akciza e derivateve do të përfundojë edhe në kulturë, do të thotë përafërsisht 750 milionë denarë në vit ose përafërsisht në një afat 4-vjeçar, pra diku rreth 3 miliardë denarë, afër 50 milionë euro për kulturë për projekte kapitale, programet dhe punëtorët e kulturës të mund ta përfaqësojnë Maqedoninë me dinjitet jo vetëm brenda Maqedonisë por edhe jashtë”, tha Mickoski.
Ai paralajmëroi seriale dhe filma të rinj në gjuhën maqedonase.
“Serialet dhe filmat e rinj në gjuhën maqedonase për ta popullarizuar atë janë shumë të rëndësishme. Kjo rrjedh nga ajo që thashë më herët se ato 50 milionë euro do të nxisin prodhimin e serialeve dhe filmave maqedonas”, thotë Mickoski.
Mickoski paralajmëroi heqjen e tarifës për qasje në rrjet
“Ka një tarifë që KRE ka filluar ta ngarkojë që nga ky vit, ajo është qasja në rrjet, është njësoj si ta detyrosh dikë të paguaj hypjen në trotuar, daljen në rrugë. Ata vendosën të paguajnë aksesin në rrjet për të siguruar më shumë para pa thënë se kanë rritur çmimin për qytetarët. Do ta shfuqizojmë, megjithatë, 200 denarë mund të mos jenë shumë në muaj, por kur shumëfishohen janë kursime të mjaftueshme për buxhetin familjar”, tha Mickoski.
Mickoski paralajmëroi modernizimin e REK BITOLA – shtylla kurrizore e sistemit elektroenergjetik të Maqedonisë
“Nëse kjo Qeveri e LSDM-së dhe BDI-së ka ndërmend ta bëjë këtë, a disa herë e kanë thënë këtë që të mbyllet publikisht REK Manastiri dhe në atë mënyrë praktikisht disa mijëra manastiras, familje të cilat drejtpërdrejt ndërtojnë jetesën për familjet e tyre në këtë termocentral minerar, do të mbeten në rrugë dhe disa dhjetëra mijëra që janë pjesë e kompanive që bashkëpunojnë me këtë fabrikë të pësojnë një goditje të rëndë dhe të vihet në pikëpyetje puna dhe jetesa e tyre”, shtoi Mickoski.
Ai paralajmëroi edhe mbështetjen “denari sportiv” – 50 milionë euro mbështetje direkte për sportin gjatë mandatit katërvjeçar i cili projekt do të nxis fëmijët të ndërtuar karakter sportiv konkurues dhe të krijohet një rini që do të respektojë njëri tjetrin dhe do ta mbështesin.
Gjatë prezantimi të programit zgjedhor për zgjedhjet parlamentare, lideri i LSDM-së, Hristijan Mickoski, prezantoi edhe shumë projekte për investim në ndërtimin dhe rikonstruimin e rrugëve dhe autostradave, sallave sportive, investime në Shkolla, qendra Klinike, zhvillimin në Bujqësi, ekologji, hekurudha e shumë projekte të tjera.
