0.8 C
Skopje

Kovaçevski i zhgënjyer me Taravarin, ja çka thotë tani?

Fronti evropian për të cilin angazhohemi ekziston dhe kjo shihet në vepër. Nuk mundemi integrimin evropian të shtetit ta kufizojmë në atë nëse zotëri Arben Taravari ka kaluar nga pozita në opozitë. Unë nuk mendoj se Taravari është aq i rëndësishëm për të ardhmen e shtetit, deklaroi kryetari i LSDM-së, Dimitar Kovaçevski.

Ai në konferencën e sotme për media me kryetarin e Partisë Socialdemokrate të Gjermanisë, Lars Klingbeil, i pyetur nëse ende ekziston fronti evropian për të cilin angazhohet pas shkarkimit të ministrave të Shëndetësisë dhe të Shoqërisë Informatike, u përgjigj se ekziston, duke theksuar se kanë shumicë në Parlament, e cila angazhohet për integrimin evropian të shtetit.

“Absolutisht se ekziston dhe ju e shihni atë në vepër. Ne kemi shumicë në Parlament që mbron integrimin evropian të vendit. Në vendin tonë ka parti politike që janë pro integrimit evropian të vendit. Nuk mund ta kufizojmë integrimin evropian të shtetit në atë se a kaloi zotëri Taravari nga pushteti në opozitë. Nuk konsideroj që Taravari është kaq i rëndësishëm për të ardhmen e shtetit. Megjithatë bëhet fjalë për një politikan nga Gostivari që është mjek i suksesshëm, i cili bën llogaritë e tij politike”, tha Kovaçevski.

Lajme të ngjajshme

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Lajmet e fundit