Në vend është një rast i dyshuar me fruth, deklaroi sot ministri i Shëndetësisë, Sasho Klekovski.
Rasti i dyshuar është një fëmijë mbi moshën një vjeç, për të cilin ende po kryhen analiza laboratorike. Deri më tani, në vend ka pasur pesë raste të konfirmuara me fruth, katër prej të cilëve janë shtetas maqedonas dhe një është i huaj.
Klekovski tha se të gjitha rastet po përpunohen tërësisht në aspektin epidemiologjik për të përcaktuar kontaktet dhe për të paralajmëruar të gjitha kontaktet e mundshme.
“E di që kemi një nivel të rritur të vaksinimit. Kemi mjaftueshme vaksina rezervë, kështu që mendoj se në fillim kishim rreth 15.000 , ka sasi të tjera në dispozicion”, theksoi Klekovski, duke iu përgjigjur pyetjes së gazetarëve pas vizitës në Qendrën Klinike Stomatologjike.
Ai mohoi se Ministria e Shëndetësisë ose ndonjë institucion shëndetësor, pjesë e autoriteteve shëndetësore, i kishte dërguar udhëzime Ministrisë së Arsimit ose Ministrisë së Politikës Sociale për të kërkuar certifikata vaksinimi.
“Asnjë pjesë e autoriteteve shëndetësore nuk ka dërguar një rekomandim institucioneve të tjera përkatëse, po flasim për edukim për mospranimin e fëmijëve. Apeli ynë është për prindërit se duke mos vaksinuar, ata po i ekspozojnë fëmijët e tyre, foshnjat, në rrezik. Theksoj aktin e vullnetarizmit për të shmangur momentet e grupeve ekzistuese të antivaksinuesve të cilët besojnë se kjo është përsëri një lloj konspiracioni për të detyruar prindërit të vaksinojnë fëmijët e tyre. Nuk ka konspiracion. Fëmijët e mi janë vaksinuar në kohën kur është dashur të vaksinoihen, jo më vonë. U bëj thirrje të gjithë prindërve, nuk ka mbrojtje më të mirë kundër fruthit sesa vaksinimi. Të gjithë së bashku si shoqëri, duhet të përfshihemi me një vullnet të qartë se kjo është e vetmja mënyrë për të parandaluar një epidemi dhe se të gjithë duhet të bëjmë një hap drejt saj. Nuk ka nevojë të kërcënojmë, të detyrojmë, të falsifikojmë certifikatat dhe çfarë të mos bëjmë”, shtoi Klekovski.
