Në reagimin e saj për arrestimin e gazetarit Furkan Saliu, nga VMRO-DPMNE në kumtesë për mediat thonë se e respektojnë plotësisht punën dhe lirinë e gazetarëve dhe kërkojnë që rasti të zbardhet plotësisht.
“E mbrojmë dhe plotësisht e respektojmë veprimtarinë gazetareske dhe lirinë e gazetarëve për të raportuar dhe shkruar për ngjarje dhe tema me interes publik, pa asnjë llojë pengese.
Çdo gazetar ka mbështetjen tonë. VMRO-DPMNE nuk e përkrah dhunën dhe dënon çdo lloj sulmi ndaj zyrtarëve të MPB-së. Kjo duhet të dënohet nga të gjitha palët dhe nëse dëshmohet se ajo ka ndodhur atëherë kryerësi duhet të mbajnë të gjitha pasojat sipas ligjeve dhe Kushtetutës.
Kërkojmë zbardhjen e plotë të rastit të arrestimit të gazetarit Furkan Saliu dhe respektimin e të gjitha të drejtave dhe lirive të tij si gazetar”,thuhet në kumtesën e VMRO-DPMNE-së.
