Kreu i Lëvizjes Besa, parti kjo që është pjesë e Lidhjes Europiane për Ndryshim, Bilall Kasami thotë se sondazhet e opozitës shqiptare tregojnë se pa marrë parasysh vendimin e Aleancës për Shqiptarët, votuesit e ASH-së do të votojnë opozitën shqiptare, respektivisht LEN-in me në krye me Afrim Gashin, Izet Mexhitin dhe Bilall Kasamin.
“Këtu është çështja edhe sa i përket votuesit të Aleancës dhe në të gjithë këto sondazhe del që votuesi i Aleancës me 2/3 është që të jetë në opozitë dhe me këto votues të Aleancës, raporti është 2 me 1 për LEN. Prandaj edhe një herë e shfrytëzoj rastin edhe sa i përket sondazheve, t’i bëjmë ftesë ASH-së, që sa më shpejtë të vendos të jetë aty ku është votuesi i saj, këtë e di më mirë vet lidershipi i ASH-së. Votuesi i ASH-së nuk shkon me BDI-në, ata mund të shkojnë por votuesi do të jetë me opozitën”, theksoi Kasami.
