10.8 C
Skopje
Thursday, May 23, 2024

Geer: Hapat e ardhshëm për eurointegrimet e RMV-së duhet t’i sjellin politikanët, jo vendet e BE-së

Euroambasadori në Shkup David Geer, sot tha se ka mbështetje të fuqishme për të ardhmen evropiane të Maqedonisë së Veriut, duke shtuar se shteti do të lëvizë përpara me miratimin e ndryshimeve kushtetuese dhe zbatimin e reformave.

Duke iu përgjigjur pyetjeve të gazetarëve, Geer tha se hapat ardhshëm në rrugën eurointegruese janë vendime që duhhet t’i sjellin akterët politikë në vend, e jo Këshilli i BE-së ose vendet tjera anëtare të Unionit.

“Ka mbështetje shumë të fortë nga institucionet e BE-së për të ardhmen evropiane të Maqedonisë së Veriut, por edhe nga shtetet anëtare të BE-së. Siç e dini, me vendimin e fundit që u mor në korrik 2022 kishte një propozim evropian që u harmonizua dhe në fakt ishte një mundësi për të hapur negociatat e anëtarësimit me vendin tuaj. Nga ana tjetër, kjo ishte një mundësi që vendi të ecë përpara dhe sigurisht që për të ecur përpara duhet të miratohen ndryshime kushtetuese”.

“Shpresojmë sinqerisht se vendi do të jetë në gjendje të ecë përpara duke miratuar ndryshimet kushtetuese, si dhe duke zbatuar reformat që në fakt janë pjesë e rrugës së integrimit evropian të vendit tuaj. Sa i përket hapave të mëtejshëm, sigurisht që janë vendime që duhet t’i marrë vendi juaj, aktorët politikë, jo Këshilli i BE-së, as vendet anëtare të BE-së”, tha Geer.

I pyetur për të komentuar vjetërsimin e lëndëve që kanë të bëjnë me përgjimet e paligjshme në vend, Geer tha se nuk mund të komentojë, por se qëndrimi i Komisionit Evropian në lidhje me ndryshimet e Kodit Penal, nuk ka ndryshuar

Lajme të ngjajshme

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

EVN

Lajmet e fundit