Qeveria ka marrë vendim për shtyrjen e afatit për komunat të cilat nuk kanë arritur të dorëzojnë të kompletuara dokumentacionet për financimin e projekteve infrastrukturore. Qeveria vendosi të shtyjë afatin deri më 15 nëntor, me qëllim që komunat të mund të plotësojnë dokumentet dhe t’i dorëzojnë ato në ministritë kompetente. Ndër komunat të cilat nuk i kanë plotësuar kriteret për financimin e projekteve në bazë të thirrjes së qeverisë është edhe qyteti i Shkupit si dhe komuna e Sarajit dhe ajo e Tearcës. /Alsat.mk
