Gazetati dhe botuesi i gazetës “Lajm”, Fejzi Hajdari ka shkruar në “Facebook” se sulmi që i bën lideri i VMRO-DPMNE-së Hristijan Mickoski, krimit dhe korrupsionit të BDI-së nuk është sulm ndaj shqiptarëve. Hajdari ka theksuar se “krimi dhe korrupsioni nuk kanë përkatësi etnike”.
Statusi i plotë i gazetari Fejzi Hajdari:
“Krimi e korrupsioni nuk ka përkatesi etnike.
Prandaj sulmi nga VMRO-ja ndaj krimit e korrupsionit në BDI, është ndihmesa dhe kontributi më i madh ndaj shqiptarëve, i cilësdo parti maqedonase, sidomos VMRO-së.
Pordhat e BDI-së se LSDM qenka më e mirë se VMRO për shqiptarët, nuk pinë ujë… sepse asnjëra nga këto dy parti, nuk bëri asgjë për heqjen e formulimit ofendues kushtetues “popull 20 ërqind”! Bile Bujar Osmani në cilësinë e ministrit të Jashtëm, ishte edhe më zi se maqedonasit, kur deklaroi: “Tani nuk është koha për heqjen e ‘20 përqindshit’, ka shkruar Fejzi Hajdari, botues i gazetës Lajm.
