Shumaira Mheuka ka rinovuar kontratën me Chelsean deri në vitin 2031, ndërsa sezonin 2026/27 do ta zhvillojë në formë huazimi te kampionët e Skocisë, Celtic.
Sulmuesi 18-vjeçar iu bashkua Chelseat në moshën 13-vjeçare dhe deri tani ka regjistruar nëntë paraqitje me ekipin e parë të “Bluve”.
Debutimin në futbollin senior e bëri në dhjetor të vitit 2024, në fitoren e Chelseat ndaj Astanas në Ligën e Konferencës.
Mheuka vjen pas një sezoni të shkëlqyer me ekipin U21 të Chelseat, ku u shpall Lojtari i Sezonit 2025/26 në Ligën Premier 2.
Ai ishte kapiten i skuadrës që e përfundoi kampionatin në vendin e parë, ndërsa realizoi 18 gola në 19 paraqitje në këtë garë.
Tani, talenti anglez do të ketë mundësinë të fitojë më shumë përvojë në futbollin senior me Celticun. Kampionët skocezë e kanë nisur fuqishëm sezonin e ri në Scottish Premiership, me tri fitore në tri ndeshjet e para.
Te Chelsea presin që huazimi në Skoci të ndikojë pozitivisht në zhvillimin e Mheukës, ndërsa klubi londinez do ta monitorojë nga afër progresin e tij gjatë qëndrimit në Celtic Park.
