Një nga bizhuteritë më ikonike në botë, byzylyku Cartier Love, nuk është vetëm një aksesor luksi, por mbart edhe një histori të veçantë. Pak njerëz e dinë se ai lindi nga një përvojë personale e dhimbshme e dizajnerit Aldo Cipullo.
Në fund të viteve 1950, pasi u shpërngul në Nju Jork dhe përjetoi një zhgënjim në dashuri, Cipullo nisi të krijonte një simbol që do të përfaqësonte përkushtimin dhe lidhjen mes dy njerëzve, në një kohë kur marrëdhëniet po bëheshin gjithnjë e më të brishta.
Kështu u krijua byzylyku Love, i cili mbyllet me vida dhe mund të vendoset ose hiqet vetëm me ndihmën e një personi tjetër. Ky detaj e shndërroi atë në një simbol të besimit, angazhimit dhe dashurisë.
Pas prezantimit nga shtëpia e njohur e bizhuterive Cartier, byzylyku u bë një fenomen global. Ai u përqafua nga yjet e Hollivudit, familjet mbretërore dhe miliona çifte në mbarë botën, duke mbetur edhe sot një nga modelet më të famshme dhe më të kërkuara të bizhuterive luksoze.
