Komuna e Prishtinës e ka nderuar Branka Petriq, gruan e aktorit të mirënjohur Bekimit Fehmiut, me “Mirënjohjen e Kryeqytetit”.
Kështu ka njoftuar vetë kryetari i komunës, Përparim Rama, përmes një shkrimi në Facebook, raporton Klan Kosova.
“Shumë i lumtur që sot në kujdesin e veçantë të Kryeqytetit, u shfaq premiera e dokumentarit ‘Bekim Fehmiu’, dokumentar i cili tregon detajet për botën e pasur të aktorit të madh shqiptar i cili ka lënë gjurmë të pashlyeshme në skenën artistike ndërkombëtare dhe ka frymëzuar brezat me talentin dhe përkushtimin e tij”, ka shkruar Rama.
“Me këtë rast patëm kënaqësinë të kishim në Prishtinë, bashkëshorten e tij, Znj. Branka Petriç, të cilës i dorëzova “Mirënjohjen e Kryeqytetit” në shenjë vlerësimi për veprën dhe trashëgiminë që la ikona e artit dhe kinematografisë, Bekim Fehmiu”, ka shtuar Përparim Rama.
