Ministri i Trashëgimisë Kulturore, Amichai Elijahu, një ministër izraelit ultra i djathtë iu përgjigj të dielën (04 Nëntor) pyetjes nëse duhet të hidhet një bombë bërthamore në Rripin e Gazës.
Ministri izraelit për Trashëgiminë Kulturore, Amichai Elijahu
Ministri izraelit për Trashëgiminë Kulturore, Amichai Elijahu
“Kjo është një nga opsionet”, tha ai.
Këtë deklaratë ai e bëri gjatë një interviste në radio.
Megjithatë menjëherë pas kësaj interviste, udhëheqja e qeverisë izraelite u distancua qartë nga deklarata e ministrit ekstremist të krahut të djathtë.
Madje mësohet se kryeministri Benjamin netanyahu ka parashikuar edhe sanksione.
“Elijahu do të përjashtohet nga të gjitha mbledhjet e kabinetit, deri në një njoftim tjetër“, njoftoi të dielën zyra e Netanyahut.
Netanyahu u citua të thoshte se komentet e Elijahu “nuk korrespondonin me realitetin”.
Megjithatë, ishte e paqartë nëse ai po konsideronte gjithashtu shkarkimin.
Izraeli dhe ushtria vepruan “në përputhje me standardet më të larta të ligjit ndërkombëtar për të shmangur dëmtimin e civilëve”, tha Netanyahu. Kjo do të vazhdojë të bëhet “deri në fitoren tonë” kundër grupit terrorist islamik Hamas që sundon Rripin e Gazës.
Ministri i Mbrojtjes Joav Galant gjithashtu dënoi “deklaratat e pabaza dhe të papërgjegjshme” të Elijah.
“Është diçka e mirë që këta nuk janë njerëzit përgjegjës për sigurinë e Izraelit”, shkroi ai në një X-Post.
Elijahu nga partia e ekstremit të djathtë Otzma Jehudit nuk është as pjesë e kabinetit izraelit të sigurisë dhe as kabinetit të luftës të Netanyahut dhe nuk konsiderohet me ndikim.
Elijahu u shpreh edhe kundër hyrjes së ndihmave humanitare në Rripin e Gazës gjatë intervistës me radiostacionin Kol Barama.
“Ne nuk do t’u jepnim as nazistëve asnjë ndihmë humanitare”, tha ai.
Në intervistë, ministri ultranacionalist sugjeroi gjithashtu që Izraeli të sakrifikonte pengjet e rrëmbyer nga Hamasi në Rripin e Gazës.
“Në luftë ne paguajmë një çmim”, tha Elijahu në përgjigje të një pyetjeje nga intervistuesi për fatin e pengjeve në rast të hedhjes së një bombe bërthamore.
Elijahu iu përgjigj zemërimit duke thënë se deklarata e tij për bombën atomike ishte përdorur me qëllim “metaforik”
Izraeli është i përkushtuar të “bëjë gjithçka që është në fuqinë e tij për t’i sjellë pengjet në shtëpi të sigurt”.
