Noussair Mazraoui nga FC Bayern Munich ka shpërndarë një video në rrjetet sociale duke u uruar palestinezëve fitore në konfliktin me Izraelin.
“O Zot, ndihmo vëllezërit tanë të shtypur në Palestinë që të arrijnë fitoren. Zoti i mëshiroftë të vdekurit, Zoti i shëroftë të plagosurit e tyre” ka shkruar mbrojtësi i Bayern në profilin e tij.
Pas bujës rreth postimit të Mazraouit, Bayern Munich ka njoftuar se ka biseduar me lojtarin.
“FC Bayern kontaktoi Noussair Mazroui menjëherë pas postimeve të tij në Instagram të dielën. Lojtari aktualisht ndodhet në Afrikë me kombëtaren e Marokut. Pas kthimit të tij, është planifikuar një bisedë e detajuar personale me drejtuesit e klubit në Mynih” thuhet në njoftimin e skuadrës gjermane.
Komentet janë të mbyllura.