Banka ALTA hyri zyrtarisht në Maqedoninë e Veriut në shtator të vitit 2025. Në atë kohë, pjesë e Qeverisë ishte edhe VLEN-i. VLEN-i vazhdon të jetë pjesë e Qeverisë edhe sot. Por, duke i parë reagimet e sotme të eksponentëve të VLEN-it, duket se kemi të bëjmë me një rast klasik të amnezisë politike selektive: fajtorët kërkohen gjithandej, vetëm jo aty ku duhet’’, thuhet në komunikatën për media të Aleancës për Shqiptarët.
‘’Nuk e dimë nëse kjo është iluzion politik, nënçmim i inteligjencës së qytetarëve apo një përpjekje për t’i trajtuar njerëzit me terapi të harresës kolektive, thekson Ash duke kujtuar faktin se ka paralajmëruar opinionin me kohë.
Por, një gjë është e pamohueshme: Aleanca për Shqiptarët paralajmëroi me kohë!Që nga momenti kur u bë publike hyrja e kësaj banke, ngritëm shqetësimin se përmes saj mund të zgjerohej ndikimi i botës serbe në Maqedoninë e Veriut, kësaj radhe edhe në sferën ekonomike dhe financiare’’, thotë Ash.
Kjo parti shton se paralajmërimet e saj mbështeteshin edhe tek shqetësimet e ngritura të raportit të Komisonit Evropian.
‘’Paralajmërimet tona i mbështetëm edhe në shqetësimet e ngritura në raportin e Komisionit Evropian për ndikimin e botës serbe në vend. Fatkeqësisht, askush nuk deshi t’i dëgjonte vërejtjet tona. Po të merreshin seriozisht paralajmërimet e Aleancës për Shqiptarët, sot ndoshta nuk do të merreshim me trajtimin e pasojave, por do të kishim mundësi ta parandalonim problemin që në zanafillë’’thekson Ash.
Për debatin e sotëm lidhur me Alta Bankën, Ash thotë se, në vend të marrjes së përgjegjësisë kemi një lojë të pingpongut politik.
‘’Ndërsa sot, në vend të përgjegjësisë, kemi një lojë pingpongu politik: njëri ia hedh fajin tjetrit, tjetri të parit, ndërsa qytetarët duhet të shikojnë ndeshjen dhe të harrojnë se kush ishte në pushtet kur banka hyri zyrtarisht në vend. Ndonjëherë, përgjegjësia nuk matet me atë se sa mirë arrin ta hedhësh fajin te të tjerët, por me atë se çfarë ke bërë kur ke pasur mundësinë ta parandalosh problemin’’, thotë ASh.
