Kali i vërtetë që frymëzoi personazhin e famshëm Spirit në filmin e animuar Spirit: Stallion of the Cimarron vazhdon të jetë gjallë dhe këtë vit mbush 30 vjeç.
I quajtur fillimisht Donner, ai është një Kiger Mustang, i lindur në vitin 1995. Pamja e tij karakteristike, maneja e gjatë dhe lëvizjet e veçanta u përdorën nga animatorët e DreamWorks si model për krijimin e Spiritit.
Sot, Spirit jeton në Return to Freedom’s American Wild Horse Sanctuary, në Kaliforni, ku shërben si ambasador për mbrojtjen dhe ruajtjen e kuajve të egër.
Historia e tij është një dëshmi se personazhi i dashur nga miliona fëmijë nuk ishte vetëm një krijim i animacionit – pas tij fshihet një kalë i vërtetë, me një histori të jashtëzakonshme.
