Shefja e zgjerimit të Bashkimit Evropian, Marta Kos, ka vendosur të anulojë vizitën e planifikuar në Serbi, duke e lidhur vendimin me nderimet dhe lavdërimet publike për ish-komandantin serb të Bosnjës, Ratko Mlladiç.
Kos deklaroi të premten se pritja e trupit të Mlladiçit me nderime ushtarake, si dhe lavdërimet pas vdekjes së tij, janë të papajtueshme me vlerat mbi të cilat bazohet rruga drejt Bashkimit Evropian.
“Lëvdimi që rrethon vdekjen e tij është i papajtueshëm me vlerat mbi të cilat është ndërtuar rruga drejt BE-së”, shkroi Kos në një deklaratë të publikuar online.
Ajo theksoi se, në këtë kontekst, ka vendosur të mos e realizojë vizitën e planifikuar në Serbi.
Ratko Mlladiç është dënuar nga gjykatat ndërkombëtare për krime lufte dhe gjenocid të kryera gjatë luftës në Bosnje dhe Hercegovinë.
