Kryetari i LSDM-së, Venko Filipçe, zhvilloi takim me fermerët dhe prodhuesit e orizit nga rajoni i Koçanit, ku u diskutua për sfidat me të cilat përballen bujqit, veçanërisht sa i përket çmimeve të blerjes dhe kostove të prodhimit.
Filipçe tha se LSDM-ja do të përgatisë masa dhe propozime konkrete për mbështetjen e fermerëve, përfshirë edhe prodhuesit e orizit.
Sipas tij, rritja e kostove të prodhimit dhe vështirësitë me çmimet e blerjes kanë krijuar probleme shtesë për sektorin bujqësor. Ai theksoi nevojën për masa që do të përmirësonin kushtet për fermerët dhe do të siguronin mbështetje më të qëndrueshme për prodhimin.
Filipçe njoftoi se, bazuar në kërkesat e fermerëve të paraqitura gjatë takimit, LSDM-ja së bashku me deputetët e saj do të dorëzojë në Kuvend propozime konkrete ligjore.
“Ne jemi këtu për të dalë me propozime konkrete. Do të propozojmë ligje në Kuvend për subvencionet dhe çmimet e blerjes”, deklaroi Filipçe.
Ai tha se synimi i këtyre propozimeve është adresimi i problemeve të fermerëve dhe përmirësimi i kushteve për zhvillimin e bujqësisë, përfshirë prodhimin e orizit në rajonin e Koçanit.
