Kryeministri i Maqedonisë së Veriut, Hristijan Mickoski, gjatë vizitës zyrtare në Pustec u shpreh se Qeveria synon të forcojë lidhjet institucionale me komunitetin maqedonas në Prespën e Vogël.
Mickoski deklaroi se Qeveria është e gatshme të mbështesë projekte në këtë zonë dhe të hartojë një plan të përbashkët me përfaqësuesit e maqedonasve në Shqipëri.
Ai theksoi veçanërisht rëndësinë e ruajtjes së gjuhës dhe kulturës maqedonase, duke paralajmëruar mbështetje për shoqatat kulturore, mësimin e gjuhës, furnizimin me libra dhe shkëmbimet mes nxënësve dhe të rinjve.
“Detyrimi ynë është të krijojmë lidhje më të forta institucionale me maqedonasit në Prespën e Vogël”, tha Mickoski.
Gjatë vizitës, kryeministri u prit nga kryetari i Bashkisë Pustec, Pali Kolefski.
