Kamatat e kredive vazhdojnë të bien, ndërsa bankat ofrojnë kushte më të favorshme për depozitat e reja. Banka Popullore publikoi të dhënat më të fundit për lëvizjet e normave të interesit në bankat dhe kursimoret për muajin qershor.
Norma mesatare e interesit për të gjitha kreditë u ul në 4,67 %, që është 0,36 pikë përqindje më pak krahasuar me të njëjtën periudhë të vitit të kaluar. Te depozitat, norma mesatare mbetet pothuajse e pandryshuar (‑0,03 p.p.) dhe arrin 2,17 %, por bankat gradualisht po përmirësojnë kushtet për depozituesit e rinj – norma e interesit për depozitat e reja arriti 2,54 %.
Te kreditë, trendi i uljes vazhdon edhe në nivel mujor. Në qershor, norma mesatare e interesit për të gjitha kreditë u ul me 0,02 pikë përqindje, ndërsa i njëjti reduktim është regjistruar edhe te kreditë e reja, ku norma mesatare është 4,38 %. përcjell Zhurnal.mk .
