Kryeministri Hristijan Mickoski përmes rrjeteve sociale bëri të ditur sot se ka pasur një bisedë telefonike me kryeministrin slloven Janez Jansha, gjatë së cilës e ka uruar për zgjedhjen dhe formimin e qeverisë së re në Slloveni.
Në postimin në profilin e tij në Fejsbuk, Mickoski theksoi se i uroi Sllovenisë stabilitet, përparim dhe punë të suksesshme në periudhën e ardhshme.
Ai thekson se në bisedën është konfirmuar angazhimi i përbashkët për thellimin e marrëdhënieve miqësore, bashkëpunimit politik dhe partneritetit midis dy vendeve.
“Maqedonia dhe Sllovenia vazhdojnë të ndërtojnë lidhje të forta bazuar në respekt të ndërsjellë, vlera evropiane dhe një vizion të përbashkët për zhvillim, stabilitet dhe një të ardhme më të mirë për qytetarët tanë”, ka shkruar kryeministri Mickoski në postim.
