Bujar Osmani ka dënuar fuqishëm sjelljen e ministrit izraelit Itamar Ben-Gvir ndaj aktivistëve të flotilës humanitare për Gazën.
Përmes një reagimi publik, Osmani e cilësoi sjelljen si të papranueshme dhe çnjerëzore, duke theksuar se veprime të tilla nuk përfaqësojnë vlera demokratike, por arrogancë, radikalizëm dhe mungesë respekti ndaj dinjitetit njerëzor.
Ai kritikoi gjithashtu heshtjen e institucioneve të Maqedonisë së Veriut përballë këtyre zhvillimeve, duke vlerësuar se mungon qëndrimi dhe ndjeshmëria njerëzore në momente kur kërkohet reagim publik.
