Më 12.04.2026, zyrtarë policorë nga Sektori i Punëve të Brendshme Strumicë e kanë privuar nga liria I.D. (43) nga Gjevgjelia, për shkak të dyshimeve se ka kryer veprën penale “kontrabandë me migrantë”, transmeton Portalb.mk.
Më 11.04.2026 në orën 21:20, në rrugën rajonale Bogdancë – Gjevgjeli, më saktë në vendin e quajtur “Ura e Larme”, një veturë pasagjerësh “Volkswagen” me targa bullgare, e drejtuar nga I.D., ka dalë nga rruga.
Pas aksidentit, shoferi është larguar nga vendi i ngjarjes, por pas masave të ndërmarra nga policia, ai është gjetur.
“Në vendin e aksidentit janë gjetur gjashtë migrantë të lënduar nga Egjipti, njëri prej tyre me lëndime të rënda trupore, i cili është dërguar në Kompleksin e klinikave “Nënë Tereza” në Shkup, ndërsa pesë migrantët e tjerë dhe I.D. kanë pësuar lëndime trupore”, informoi Ministria e Brendshme.
Për rastin është njoftuar prokurori publik nga Prokuroria Themelore Publike në Gjevgjeli, ndërsa ekspertizën në vendin e ngjarjes e ka kryer ekipi i Ministrisë së Brendshme Gjevgjeli.
