Një formacion malor në Antarktidë, i përshkruar shpesh si një “piramidë gjigante rreth 2 kilometra e gjerë”, ka rikthyer debatet mbi ekzistencën e strukturave të panjohura në kontinentin e akullt, sipas “Adventure Life”.
Megjithatë, ekspertët dhe studimet gjeologjike konfirmojnë se bëhet fjalë për një fenomen plotësisht natyror.
Çfarë është “piramida” në të vërtetë?
Sipas analizave të publikuara nga burime shkencore dhe gjeologë ndërkombëtarë, struktura ndodhet në vargmalin Ellsworth dhe është një “nunatak”– një majë mali që del mbi shtresat e akullit.
Këto formacione krijohen gjatë miliona viteve nga, erozioni akullnajor; ciklet e ngrirjes dhe shkrirjes; veprimi i erës dhe temperaturave ekstreme.
