Drone të paidentifikuara janë zbuluar mbi një bazë ushtarake në kryeqytetin e SHBA-së, Washington, D.C., ku jetojnë sekretari i Shtetit dhe sekretari i Mbrojtjes – Marco Rubio dhe Pete Hegseth, raportoi gazeta The Washington Post.
Sipas artikullit, dronët mbi bazën Fort McNair e detyruan ushtrinë lokale të shqyrtojë opsionin e evakuimit të Rubios dhe Hegsethit. Në fund, dy zyrtarët e lartë të administratës së presidentit amerikan Donald Trump mbetën në shtëpitë e tyre, shkruan gazeta.
“The Washington Post” thekson se ushtria amerikane ka rritur mbikëqyrjen për kërcënime të mundshme për shkak të nivelit të lartë të alarmit në kontekstin e fushatës ushtarake amerikano-izraelite kundër Iran, e cila ka nisur më 28 shkurt.
Departamenti Amerikan i Shtetit dhe Departamenti Amerikan i Mbrojtjes ende nuk i kanë komentuar informacionet.
“Departamenti ynë nuk mund të komentojë për arsye sigurie, dhe publikimi i informacionit të tillë është jashtëzakonisht i papërgjegjshëm”, deklaroi zëdhënësi i Pentagonit, Sean Parnell, për “The Washington Post”.
