Shkup, 2 janar – Numri i infarkteve të zemrës dhe goditjeve në tru është statistikisht më i lartë gjatë periudhës së festave, ndaj nevojitet kujdes i shtuar, theksoi për MIA-n doktori Dragan Panov, shef ndërrimi në Shërbimin e Ndihmës së Shpejtë – Shkup.
Ai shpjegoi se gjatë festave ky numër rritet për shkak të stresit të madh që i shkaktohet organizmit nga konsumimi i tepruar i ushqimeve të kripura dhe të yndyrshme, alkoolit dhe pijeve energjike. Faktorë shtesë janë edhe i ftohti – temperaturat e ulëta që shkaktojnë vazokonstriksion, pra ngushtim të enëve të gjakut, duke rritur tensionin arterial – si dhe reagimi i vonuar, pasi shpesh simptomat injorohen për të mos “prishur” festën, dhe pacientët mbërrijnë në spital në gjendje kritike.
Po, për fat të keq, ekziston një gjendje e njohur në mjekësi si “Holiday heart syndrome” (sindroma e zemrës gjatë festave), theksoi ai.
